ఆచార్య లో నటించబోతున్న మిల్కీ బ్యూటీ తమన్నా

కొరటాల శివ దర్శకత్వంలో తెరకెక్కుతున్న ఆచార్య చిత్రం కరోనా వైరస్ మహమ్మారి కారణంగా షూటింగ్ వాయిదా పడింది. అయితే త్వరలో ఈ చిత్రం షూటింగ్ పునః ప్రారంభం కానుంది. చిరు హీరో గా ప్రతిష్టాత్మకంగా తెరకెక్కుతున్న ఈ చిత్రం లో కాజల్ అగర్వాల్ హీరోయిన్ గా నటిస్తున్న సంగతి తెలిసిందే. రామ్ చరణ్, నిరంజన్ రెడ్డి లు కలిసి కొణిదెల ప్రొడక్షన్ లో ఈ చిత్రాన్ని నిర్మిస్తున్నారు. అయితే ఈ చిత్రం లో పలువురు అగ్ర నటులు నటిస్తున్న సంగతి తెలిసిందే. అయితే ఈ చిత్రం లో అతిధి పాత్ర చేసేందుకు చిత్ర యూనిట్ తాజాగా తమన్నాను సంప్రదించినట్లు తెలుస్తోంది.

అతిధి పాత్ర చేసేందుకు మొదట కీర్తి సురేష్ ను అనుకోగా, ఇపుడు తాజాగా మిల్కీ బ్యూటీ తమన్నా ను ఒకే చేసినట్లు తెలుస్తోంది. అయితే త్వరలో ఈ విషయం పై అధికారుల ప్రకటన వెలువడే అవకాశం ఉందని తెలుస్తోంది. అయితే ఇప్పటికే సై రా నరసింహ రెడ్డి చిత్రం లో తమన్నా కీలక పాత్ర పోషించారు. మరొకసారి చిరు చిత్రం లో నటించే అవకాశం రావడం తో తమన్నా ఒకే చెప్పినట్లు సమాచారం.