చిరు మూవీ ఆచార్య లో సోనూ సూద్

మెగాస్టార్ చిరంజీవి, కొరటాల శివ కాంబినేషన్ లో ఆచార్య తెరకెక్కుతున్న సంగతి తెల్సిందే. లాక్ డౌన్ ముందు వరకు నిరవధిక షూటింగ్ జరుపుకున్న ఈ చిత్రం లాక్ డౌన్ కారణంగా వాయిదా పడింది. సాధారణ పరిస్థితులు ఏర్పడిన వెంటనే మూవీ షూటింగ్ మొదలుకానుంది. కాగా ఈ మూవీలో సోనూ సూద్ ఓ కీలక రోల్ చేస్తున్నారట. దాదాపు ఆయనది ఆచార్యలో విలన్ రోల్ అని తెలుస్తుంది. దీనికై వీరి మధ్య చర్చలు కూడా జరిగినట్లు సమాచారం అందుతుంది.

ఇక కొరటాల శివ గత చిత్రాల వలే, ఆచార్య కూడా ఓ సామాజిక అంశం ప్రధానంగా తెరకెక్కనుంది. ఐతే చిరంజీవి మార్కు కమర్షియల్ అంశాలు జోడించి మూవీ తెరకెక్కిస్తున్నారు. కొణిదెల ప్రొడక్షన్స్ బ్యానర్ లో రామ్ చరణ్ ఈ మూవీని నిర్మిస్తున్నారు. కాజల్ అగర్వాల్ హీరోయిన్ గా నటిస్తుండగా, మణిశర్మ సంగీతం అందిస్తున్నారు.