రంగ్ దే సినిమాలో రొమాంటిక్ గా కనపడనున్న కీర్తి సురేష్

రీసెంట్ గా కీర్తి సురేష్ పెంగ్విన్ సినిమాతో ప్రేక్షకుల ముందుకు వచ్చింది. నేను శైలజ, నేను లోకల్, అజ్ఞాతవాసి సినిమాలతో కీర్తి సురేష్ కి టాలీవుడ్ లో మంచి పేరు వచ్చింది. ఇక మహానటి సావిత్రి జీవిత కథ తో తెరకెక్కిన మహానటి సినిమాతో సౌత్ మొత్తం పాపులర్ అయింది. దీంతో తెలుగు తమిళ సినిమాలలో క్రేజ్ విపరీతంగా పెరిగింది. కాని కీర్తి సురేష్ కమర్షియల్ సినిమాలు ఒప్పుకోవడం లేదని ఆ సినిమాల మీద ఎక్కువగా ఆసక్తి చూపించడం లేదని అంటున్నారు. ఇలా అయితే రేస్ లో వెనకబడిపోవడం ఖాయమన్న టాక్ కూడా వినిపిస్తుంది.

అందుకు కారణం తన రీసెంట్ సినిమా పెంగ్విన్ అనుకున్నంతగా ప్రేక్షకులను ఆకట్టుకోలేకపోవడమే. చెప్పాలంటే ఈ సినిమా మీద ప్రేక్షకులు భారీ అంచనాలు పెట్టుకున్నారు. ఖచ్చితంగా మహానటి రేంజ్ హిట్ అని భావించారు. కాని ఓటీటీలో రిలీజ్ అవడం వలనో లేక నిజంగానే ప్రేక్షకులను ఆకట్టుకోలేదో గాని నిరాశనే మిగిలింది. దాంతో ఈ ప్రభావం తన తర్వాత సినిమాల పడిందని అంటున్నారు.

ఇదిలా ఉంటే కీర్తి సురేష్ కేవలం హీరోయిన్ ఓరియెంటెడ్ సినిమాలే చేస్తుంది. కమర్షియల్ సినిమాలకి దూరంగా ఉంటోంది అన్న టాక్ కూడా సోషల్ మీడియాలో బాగా వైరల్ అవుతోంది. అయితే వాటన్నిటికి త్వరలో సమాధానం రాబోతుందట. ప్రస్తుతం తెలుగులో యంగ్ హీరో నితిన్ తో రంగ్ దే సినిమాలో నటిస్తుంది. ఈ సినిమాని రొమాంటిక్ ఫ్యామిలీ ఎంటర్‌టైనర్ గా రూపొందించాడు దర్శకుడు వెంకీ అట్లూరి. ఇప్పటికే ఈ సినిమా నుండి రిలీజైన నితిన్ కీర్తి సురేష్ ల రొమాంటిక్ పోస్టర్ కి యూత్ బాగా అట్రాక్ట్ అయ్యారు. అంతేకాదు ఈ సినిమాలో ఇప్పటి వరకు కీర్తి లో చూడని రొమాంటిక్ యాంగిల్ ని చూడబోతున్నట్టు తెలుస్తుంది. ఇక ఈ సినిమా నవంబర్ లో రిలీజ్ అయ్యో అవకాశాలున్నాయట.