నితిన్ పెళ్లి కానుకగా రంగ్ దే టీజర్ విడుదల

రంగ్ దే టీజర్ నితిన్ పెళ్లిని పురస్కరించుకొని చిత్ర యూనిట్ నేడు విడుదల చేశారు. ఒక నిమిషానికి పైగా ఉన్న టీజర్ ఆకట్టుకొనేలా సాగింది. ఇది పక్కా రొమాంటిక్ ఫ్యామిలీ ఎంటర్టైనర్ అని తెలుస్తుంది.

ఇక నితిన్ మరియు కీర్తి సురేష్ ల పెయిర్ చక్కగా ఉంది. కీర్తి సురేష్ ని తప్పక, మనసొప్పక పెళ్లి చేసుకొనే యువకుడిగా నితిన్ పాత్ర ఉంది. మరి నితిన్ వద్దంటున్నా, కీర్తి సురేష్ వెంటబడి ఎందుకు పెళ్లి చేసుకుంటుంది అనేది ఆసక్తికర అంశం. సీనియర్ నటుడు నరేష్ నితిన్ నాన్న పాత్రలో కనిపిస్తున్నారు. ఏదిఏమైనా రంగ్ దే టీజర్ తో మూవీపై టీమ్ అంచనాలు పెంచేసింది. దేవిశ్రీ సంగీతం అందిస్తున్న ఈ చిత్రాన్ని వీలైతే సంక్రాంతికి విడుదల చేస్తాం అంటున్నారు.