పవర్ స్టార్ ఫస్ట్ లుక్ విడుదల చేసిన రామ్ గోపాల్ వర్మ

కొద్దిరోజుల క్రితం పవర్ స్టార్ అనే టైటిల్ తో ఓ చిత్రం ప్రకటించారు రామ్ గోపాల్ వర్మ. అలాగే ఆ మూవీలోని హీరోని కూడా పరిచయడం చేయడం జరిగింది. ఇక ఆ హీరోకి ఎవరైనా స్టార్ హీరో పోలికలు ఉంటే అది కేవలం యాదృచ్చికం మాత్రమే అని చెప్పడం విశేషం. ఇక నేడు ఉదయం పవర్ స్టార్ మూవీ ప్రీ లుక్ పంచుకున్న వర్మ, కొద్దిసేపటి క్రితం ఫస్ట్ లుక్ విడుదల చేశారు. ఆ ఫస్ట్ లుక్ పోస్టర్ లో హీరో ఆలోచిస్తూ కూర్చొని ఉన్నారు.

దానితో పాటు వర్మ పోస్టర్ పై ఎన్నికల తరువాత కథ అని, సినిమా దేనిగురించి ఉంటుందో ఓ హింట్ ఇచ్చారు. కొన్నాళ్లుగా వివాదాన్నే పెట్టుబడిగా సినిమాలు తీస్తున్న దర్శకుడు వర్మ, పవర్ స్టార్ మూవీతో మరిన్ని వివాదాలు రేపడం ఖాయంగా కనిపిస్తుంది. ఇక పవర్ స్టార్ మూవీ ఆర్ జి వి వరల్డ్ థియేటర్ లో విడుదల కానుంది.మర్డర్, వైరస్, 12 ఓ క్లాక్ మరియు థ్రిల్లర్ అనే మరో నాలుగు సినిమాలు ఆయన తెరకెక్కిస్తున్నాడు.

Here is the first look poster of POWER STAR film soon to release in RGVWORLDTHEATRE #JaiPowerStar pic.twitter.com/YMbqXyRu2E

— Ram Gopal Varma (@RGVzoomin) July 9, 2020