దర్శకుడు క్రిష్ వెబ్ సిరీస్ లో రకుల్ ప్రీత్

పవన్ కళ్యాణ్ తో సినిమా చేసేందుకు సిద్దం అయిన దర్శకుడు క్రిష్ సడెన్ గా వెబ్ సిరీస్ ల వైపు మళ్ళిన సంగతి తెలిసిందే. పవన్ కళ్యాణ్ తో సినిమా కాస్త ఆలస్యంగా మొదలు అయ్యే అవకాశం ఉండటం తో ఈ గ్యాప్ ను వెబ్ సిరీస్ ల కోసం కేటాయిస్తున్నారు దర్శకుడు జాగర్లమూడి రాధాకృష్ణ. ఆహా యాప్ కోసం దర్శకుడు క్రిష్ కొన్ని స్క్రిప్ట్ లని సిద్దం చేసినట్లు వార్తలు వచ్చిన సంగతి తెలిసిందే. అయితే ఇప్పుడు ఒక వెబ్ సిరీస్ లో రకుల్ ప్రీత్ సింగ్ ను తీసుకున్నట్లు తెలుస్తోంది.

అయితే రకుల్ ప్రీత్ ఎటువంటి పాత్రను పోషిస్తుంది అనేది మాత్రం ఇంకా సస్పెన్స్. అయితే ఇపుడు ట్రెండ్ అంతా వెబ్ సిరీస్ లదే కావడం తో రకుల్ ప్రీత్ సింగ్ కూడా ఇందుకు ఒకే చెప్పినట్లు సమాచారం. మరి ఇందుకు సంబంధించిన అధికారిక ప్రకటన త్వరలో వెలువడే అవకాశం ఉందని తెలుస్తోంది.