త్రివిక్రమ్, రామ్ చరణ్ సినిమాని నిర్మించబోతున్న పవన్ కళ్యాణ్

ఆర్ఆర్ఆర్ తరువాత తన కొత్త ఫిల్మ్ కి సంబంధించి ఇంకా సైన్ చేయలేదు. చరణ్ అభిమానుల సైతం తమ హీరో తరువాత సినిమా ఏమిటి ? డైరెక్టర్ ఎవరు ? అని ఇన్నాళ్ళు ఆసక్తిగా ఎదురుచూస్తున్నారు. అయితే ఓ నిర్మాత రామ్ చరణ్ కోసం స్క్రిప్ట్ రాయడానికి త్రివిక్రమ్‌ను సంప్రదించినట్లు వార్తలు వచ్చాయి. ప్రస్తుతం త్రివిక్రమ్ ఎన్టీఆర్ చిత్రంతో బిజీగా ఉన్నాడు. ఈ సినిమా తర్వాత, చరణ్ తోనే త్రివిక్రమ్ సినిమా ఉంటుందని టాక్.

అయితే తాజా విషయం ఏమిటంటే, పవన్ కళ్యాణ్ కోసమే త్రివిక్రమ్ చరణ్ చిత్రాన్ని చేయడానికి ముందుకు వచ్చారట. పవన్ కళ్యాణ్ బ్యానర్ లో చరణ్ హీరోగా, త్రివిక్రమ్ డైరెక్టర్ గా ఈ సినిమా రానుంది. ఇది జరిగితే, ఇది మెగా అభిమానులకు శుభ వార్తనే. మరి ఈ వార్త నిజం అవుతుందేమో చూడాలి. ఇక పవర్ స్టార్ సైతం రీఎంట్రీ ఇస్తూ వరుస సినిమాలకు సైన్ చేసిన సంగతి తెలిసిందే.