మరో సారి నిఖిల్ సిద్ధార్థ తో జత కట్టనున్న లావణ్య త్రిపాఠి

యంగ్ హీరో నిఖిల్ సిద్ధార్థ ‘అర్జున్ సురవరం’తో బాక్సాఫీస్ వద్ద మంచి హిట్ ను అందుకున్నాడు. కాగా ప్రస్తుతం నిఖిల్ సిద్ధార్థ ’18 పేజెస్’ అనే మరో క్రేజీ సినిమాతో రాబోతున్నాడు. కాన్సెప్ట్ ఒరియెంటెడ్ కథల్నే ఎంచుకుంటూ హిట్స్ అందుకుంటూ వస్తున్న నిఖిల్, ఈ ’18 పేజెస్’ చిత్రం కూడా అలాగే వైవిధ్యంగా ఉందనే ఒప్పుకున్నాడు. కాగా ఈ సినిమాలో హీరోయిన్ గా లావణ్య త్రిపాఠి ను ఫిక్స్ చేసారని తెలుస్తోంది. ఇప్పటికే ఆమెతో చిత్రబృందం చర్చించారట. ‘అర్జున్ సురవరం’లోనూ లావణ్య త్రిపాఠినే హీరోయిన్ గా నటించింది. ఆ సినిమాతో ఇద్దరు హిట్ పెయిర్ అనిపించుకున్నారు. మొత్తానికి ఈ సినిమాలో కూడా ఈ హిట్ పెయిర్ కలిసి నటించబోతుంది.

సుకుమార్ స్టోరీ, స్క్రీన్ ప్లే అందిస్తున్న ఈ చిత్రంలో నిఖిల్ రోల్ వెరీ ఇంట్రస్టింగ్ గా ఉంటుందట. హీరో పాత్ర మెమోరీ లాస్ సమస్యతో సఫర్ అవుతూ ఉంటుందని ఇప్పటికే వార్తలు వచ్చాయి. సుకుమార్ మరియు అల్లు అరవింద్ నిర్మాణ సంస్థలలో ఈ చిత్రాన్ని బన్నీ వాస్ నిర్మిస్తున్నారు. ‘కుమారి 21 ఎఫ్’ ఫేమ్ పల్నాటి సూర్య ప్రతాప్ దర్శకుడిగా ఈ సినిమా రాబోతుంది.