హిందీలో విజయ్ దేవరకొండ సినిమానే టాప్

టాలీవుడ్ సెన్సేషనల్ స్టార్ విజయ్ దేవరకొండ హీరోగా రష్మికా మందన్నా హీరోయిన్ గా భరత్ కమ్మ దర్శకత్వంలో తెరకెక్కిన చిత్రం “డియర్ కామ్రేడ్”. దక్షిణాదిలో అన్ని ముఖ్య భాషల్లో విడుదల కాబడిన ఈ చిత్రం విజయ్ కెరీర్ లో ప్లాప్ గా నిలిచిపోయింది. కానీ తర్వాత మాత్రం ఈ సినిమాకు కూడా ఫ్యాన్స్ ఏర్పడ్డారు.

ఇవి పక్కన పెడితే మన తెలుగు సినిమాలను హిందీలో కూడా డబ్ చేసి యూట్యూబ్ లో పెడతారన్న సంగతి అందరికీ తెలిసిందే. అలా ఇప్పటి వరకు మన తెలుగు నుంచి పెట్టిన అన్ని సినిమాలు అందరి స్టార్ హీరోల సినిమాలలో కంటే అత్యధిక లైక్స్ సంపాదించిన సినిమాగా ఇది నిలిచింది.

ఈ చిత్రానికి ఇప్పటి వరకు 130 మిలియన్ వ్యూస్ మరియు 1.6 మిలియన్ లైక్స్ వచ్చాయి. వ్యూస్ పరంగా పక్కన పెడితే 200 మిలియన్ వ్యూస్ దాటిన సినిమాలకు కూడా ఈ ఫీట్ సాధ్యం కాలేదు. అలాంటిది ఈ సినిమా ఈ రికార్డు కొట్టింది. దీనిని బట్టి ఈ సినిమా హిందీ జనానికి బాగానే ఎక్కిందని చెప్పాలి.