లాక్ డౌన్ మాత్రమే ముగింపుకు వచ్చింది..వైరస్ కాదు – వెంకటేష్

కరోనా వైరస్ మహమ్మారి కారణంగా దేశమంతటా లాక్ డౌన్ అమలు కొనసాగుతూనే ఉంది. అయితే ఈ లాక్ డౌన్ ప్రస్తుతం దశల వారీగా సడలింపు ఉంటుంది. అయితే ఈ నెలాఖరుకి లాక్ డౌన్ ముగియనుంది. అయితే కేంద్ర, రాష్ట్ర ప్రభుత్వాలు ఇప్పటి వరకూ ఈ లాక్ డౌన్ ను పటిష్టంగా అమలు చేసినందుకు టాలీవుడ్ అగ్ర హీరో విక్టరి వెంకటేష ధన్యవాదాలు తెలిపారు.

గత 70 రోజులుగా, అనేక చర్యలు తీసుకొని, కరోనా వైరస్ ముప్పు ను తగ్గించేందుకు ప్రయత్నించిన కేంద్ర,రాష్ట్ర ప్రభుత్వాలకు వెంకటేష్ ధన్యవాదాలు తెలిపారు. అంతేకాదు ఇటువంటి క్లిష్ట సమయంలో మా సంరక్షణ కోసం రాత్రింబవళ్ళు పని చేసిన వైద్య, పారిశుధ్య, పోలీస్ సిబ్బందికి కేవలం కృతజ్ఞతలు చెబితే సరిపోదు అంటూ వారి సేవ ను కొనియాడారు.

అయితే ఇపుడు మెల్లగా ద్వారాలు తెరుచుకుంటున్నాయి అని వెంకటేష్ వ్యాఖ్యానించారు.ఇపుడు ఉన్న పరిస్థితుల్లో పౌరులే బాధ్యతగా వ్యవహరించాలి అని వ్యాఖ్యానించారు.లాక్ డౌన్ మాత్రమే ముగింపునకు వచ్చింది అని, కరోనా వైరస్ కాదు అని అన్నారు.అందుచేత లాక్ డౌన్ సమయం లో మనం ఎలాంటి జాగ్రత్త చర్యలు తీసుకున్నామో అవే, ఇపుడు కూడా పాటించాలి అని సూచించారు.సురక్షితంగా ఉండండి, భౌతిక దూరం పాటించండి అని అన్నారు.