రవితేజ మూవీ లో హీరోయిన్ గ నటిస్తున్న లేడీ విలన్

‘వరలక్ష్మీ శరత్‌కుమార్‌’కి హీరోయిన్ కు ఉండాల్సిన క్యాలిటీస్ అన్ని ఉన్నా ఎందుకో హీరోయిన్ గా మాత్రం ఈ బ్యూటీ బిజీ కాలేకపోతుంది. సౌత్ ఫిల్మ్ ఇండస్ట్రీ నుండి బలమైన సపోర్ట్ ఉన్నా.. ఇన్నాళ్లూ ఎక్కువుగా చిన్న చిత్రాలకు అలాగే సేడ్ క్యారెక్టర్స్ కే పరిమితం అవుతూ వచ్చింది. పోనీ ఆ సినిమాలైనా ప్రాముఖ్యత ఉన్నవా అంటే.. ఎదో చిన్న చితక చిత్రాల్లో ఏదో కాసేపు కనిపించే పక్కా ఆవేశపూరిత రెగ్యూలర్ క్యారెక్టర్స్. అయితే ఇలాంటి పరిస్థితుల్లో వరలక్ష్మికి మాస్‌ మహారాజా సినిమా క్రాక్ లో ఓ మంచి అవకాశం వచ్చిన సంగతి తెలిసిందే. ర‌వితేజ – గోపీచంద్ మ‌లినేని కలయికలో హ్యాట్రిక్ మూవీగా తెరకెక్కనున్న ఈ సినిమాలో రవితేజ సరసన శ్రుతి హాసన్ నటిస్తోంది.

అయితే వరలక్ష్మీ శరత్‌ కుమార్‌ కూడా రవితేజ సరసన మరో హీరోయిన్ గా ఆడిపాడనుందని, శ్రుతి హాసన్ పాత్రకు వరలక్ష్మీ పాత్ర కూడా దీటుగా ఉంటుందని కొన్ని ఎమోషనల్ సన్నివేశాల్లో వరలక్ష్మి పాత్రనే హైలెట్ అవ్వనుందని తెలుస్తోంది. మొత్తానికి లేడీ రౌడీ పాత్రలకే పరిమితం అవుతూ వస్తోన్న వరలక్ష్మికి హీరోయిన్ గా మంచి రోల్ రావడం విశేషమే. ఇక ఈ సినిమాలో ర‌వితేజ ప‌వ‌ర్‌ ఫుల్ పోలీస్ ఆఫీస‌ర్‌ గా నటించనున్నాడు. బి.మ‌ధు ఈ చిత్రాన్ని నిర్మిస్తున్నారు.