అల్లు అరవింద్ కోసం తమన్నా టాక్ షో

భవిష్యత్ మొత్తం డిజిటల్ మీడియాదే అని అందరూ నమ్ముతున్నారు. ఓ వైపు థియేటర్స్ కి ఆదరణ తగ్గిపోతుండగా ఓ టి టి ప్లాట్ ఫార్మ్స్ పై తమ ద్రుష్టి మళ్లిస్తున్నారు. దీనిలో భాగంగా మెగా ప్రొడ్యూసర్ అల్లు అరవింద్ కొన్ని రోజుల క్రితం ఆహా అనే ఓ డిజిటల్ యాప్ తీసుకొచ్చారు. దీని అభివృధ్ధికోసం ఆయన అనేక ప్రయత్నాలు చేస్తున్నారు. ఆహా యాప్ తెలుగు వారికి మరింత చేరువ చేయడానికి అల్లు అరవింద్ ఇప్పటికే పలువురు దర్శకులు, కంటెంట్ రైటర్లను రంగంలోకి దించారు.

అంతేకాకుండా హీరోయిన్లకు సైతం వెబ్ సిరీస్ లో నటించడానికి అవకాశం కల్పిస్తున్నారు. ఇప్పటికే హెబ్బా పటేల్ తో ఆహాలో ఓ వెబ్ సిరీస్ ను తెరకెక్కించారు. కాగా ఇప్పుడు పాయల్ రాజ్ పుత్ కూడా ఓ వెబ్ సిరీస్ లో నటించడానికి సిద్దమవుతోందని టాక్. కాగా అల్లు అరవింద్ స్టార్ హీరోయిన్ తమన్నా ను ఓ టాక్ షో కోసం సిద్ధం చేస్తున్నట్లు వార్తలు వస్తున్నాయి. తెలుగులో అల్లు అరవింద్ ప్రారంభించిన ఆహా యాప్ లో ఓ స్పెషల్ టాక్ షో లో తమన్నా నటించనున్నట్టు సమాచారం. మరి ఇదే కనుక నిజం అయితే మరింత ప్రచారం ఆహా కు దక్కనుంది.