సుశాంత్ సింగ్ రాజ్ పుత్ చివరి సినిమా ఆన్లైన్ స్ట్రీమింగ్

బాలీవుడ్ ప్రముఖ హీరో సుశాంత్ సింగ్ రాజ్ పుత్ మరణ వార్త మొత్తం భారతీయ సినీ ప్రేమికులనే ఎంతగా కలవర పెట్టిందో అందరికీ తెలిసిందే. ఇదిలా ఉండగా సుశాంత్ కు సంబంధించి మరిన్ని ఆసక్తికర అంశాలు వెలువడుతుండడంఎంతో ప్రతీ ఒక్కరు మరింత విచారం వ్యక్తం చేస్తున్నారు.

ఎం ఎస్ ధోని సినిమాతో మంచి గుర్తింపు తెచ్చుకున్న సుశాంత్ సింగ్ ఆ తర్వాత కూడా ఎన్నో సినిమాల్లో నటించి మెప్పించాడు. అయితే తాను చివరగా నటించిన తాజా చిత్రం “దిల్ బెచారా” చిత్రం నేరుగా డిజిటల్ ప్లాట్ ఫామ్ లో డైరెక్ట్ గా విడుదల కావడం దాదాపు ఖరారే అన్నట్టు తెలుస్తుంది.

ఓ ప్రముఖ డిజిటల్ స్ట్రీమింగ్ సంస్థ ఈ చిత్రానికి కొనుగోలు చేసేందుకు ముందుకు రాగా చిత్ర యూనిట్ కూడా అందుకు సానుకూలంగానే స్పందించినట్టు తెలుస్తుంది. సంజన సంగి హీరోయిన్ గా నటించిన ఈ చిత్రానికి స్టార్ మ్యూజిక్ డైరెక్టర్ ఏ ఆర్ రెహమాన్ సంగీతం అందిస్తున్నారు. మరి ఈ చిత్రం ఎప్పుడు ఏ ఓటిటి యాప్ లో అందుబాటులోకి వస్తుందో చూడాలి.