సురేందర్ రెడ్డి - రామ్ పోతినేని కాంబినేషన్ త్వరలో

గత ఏడాది ఇస్మార్ట్ శంకర్ మూవీతో మంచి ఫార్మ్ లోకి వచ్చాడు హీరో రామ్. దర్శకుడు పూరి జగన్నాధ్ తెరకెక్కించిన ఆ చిత్రం చాలా కాలంగా ఎదురు చూస్తున్న విజయాన్ని అందించింది. ప్రస్తుతం రామ్ దర్శకుడు కిషోర్ తిరుమలతో రెడ్ మూవీ చేస్తున్నాడు. తమిళ హిట్ మూవీ తాడంకి తెలుగు రీమేక్ గా వస్తున్న ఈ చిత్రంలో రామ్ డ్యూయల్ రోల్ చేస్తున్నాడు.

కాగా ఆయన తదుపరి చిత్రం స్టార్ డైరెక్టర్ సురేంధర్ రెడ్డితో చేస్తున్నట్లు వార్తలు వస్తున్నాయి. దాదాపు ఈ కాంబినేషన్ ఒకే అయినట్లు తెలుస్తుండగా రామ్ ఫ్యాన్స్ సూపర్ హ్యాపీగా ఉన్నారట. మొదటి చిత్రం మినహాయించి దాదాపు అన్ని చిత్రాలు స్టార్ హీరోలతో చేసిన సురేంధర్ రెడ్డి హీరోలను కొత్తగా ప్రెజెంట్ చేస్తారు. ఆయన ఖాతాలో కిక్, రేసుగుర్రం లాంటి భారీ హిట్స్ ఉన్నాయి. గత ఏడాది చిరంజీవితో సైరా అనే పాన్ ఇండియా చిత్రం చేశారు. ఆయన ట్రాక్ రికార్డు దృష్ట్యా రామ్ కి మంచి హిట్ ఇస్తాడని వారు నమ్మకంతో ఉన్నారు.