ఆర్ఆర్ఆర్ లో మరో స్టార్ హీరోయిన్

ప్రతిష్టాత్మక ఆర్ ఆర్ ఆర్ ప్రాజెక్ట్ లో ఆమె నటిస్తున్నట్లు హీరోయిన్ శ్రీయా శరణ్ స్పష్టత ఇచ్చారు. ఆర్ ఆర్ ఆర్ లో ఫ్లాష్ బ్యాక్ సన్నివేశాలలో హీరో అజయ్ దేవ్ గణ్ సరసన ఆమె హీరోయిన్ గా కనిపిస్తారట. గతంలోనే ఆర్ ఆర్ ఆర్ లో శ్రీయా నటిస్తుందని వార్తలు రాగా, నేడు దీనిపై స్పష్టత వచ్చింది. ఇక అజయ్ దేవ్ గణ్ రోల్ కి కూడా సినిమాలో చాలా ప్రాధాన్యం ఉంటుందని తాజా అప్డేట్ తెలియజేస్తుంది.

గతంలో శ్రీయా రాజమౌళి తెరకెక్కించిన ఛత్రపతి సినిమాలో ప్రభాస్ కి జంటగా నటించింది. మళ్ళీ ఇన్నేళ్ల తరువాత రాజమౌళి దర్శకత్వంలో ఆమె పనిచేస్తుంది. ఇక ఆర్ ఆర్ ఆర్ షూటింగ్ త్వరలో తిరిగి పునః ప్రారంభం కానుంది. రాజమౌళి హైదరాబాద్ లో భారీ ఖర్చుతో ఓ సెట్ వేయిస్తున్నాడు. ఆ సెట్ లోనే చరణ్, ఎన్టీఆర్ పై రాజమౌళి కొన్ని కీలక సన్నివేశాలు తెరకెక్కించనున్నారు.