ఆర్ఆర్ఆర్ లో అజయ్ దేవగన్ రోల్ పెంచేస్తున్న రాజమౌళి

టాలీవుడ్ బడా ఫిల్మ్ ఆర్ ఆర్ ఆర్ లో హీరో అజయ్ దేవగణ్ ఓ రోల్ చేస్తున్న సంగతి తెలిసిందే. సినిమా కథలో ఫ్లాష్ బ్యాక్ ఎపిసోడ్ లో అజయ్ దేవ్ గణ్ కనిపించనున్నాడు. కాగా కారణం ఏమిటో కానీ రాజమౌళి ఆర్ ఆర్ ఆర్ లో అజయ్ దేవ్ గణ్ పాత్ర నిడివి పెంచాడట. క్యామియో పాత్ర నుండి ఓ కీలక రోల్ గా మలచాడని సమాచారం. అందుకే ఆయన పాత్రకు జంటగా హీరోయిన్ శ్రీయాను తీసుకోవడం జరిగిందట. హీరోయిన్ శ్రీయా ఆర్ ఆర్ ఆర్ లో నటిస్తున్నట్లు చెప్పిన సంగతి తెలిసిందే.

ఇక ఈ చిత్రంలో ఎన్టీఆర్, చరణ్ లు కొమరం భీమ్, అల్లూరి సీతారామరాజు పాత్రలు చేస్తున్నారు. లాక్ డౌన్ నేపథ్యంలో ప్రత్యేక సెట్ లో ఆర్ ఆర్ ఆర్ షూటింగ్ జరపాలని రాజమౌళి నిర్ణయించారు. ఇప్పటికే షూటింగ్ మొదలుకావాల్సివుంది. ఐతే హైదరాబాద్ లో కరోనా భయం అధికంగా ఉన్న తరుణంలో షూటింగ్ తిరిగి ప్రారంభించడానికి సంశయిస్తున్నట్లు తెలుస్తుంది.