రవితేజ సినిమా స్పెషల్ సాంగ్ లో పాయల్ రాజ్ పుత్

రవితేజ క్రాక్ సినిమా తరువాత రమేష్ వర్మ దర్శకత్వంలో మరో సినిమా చేయనున్నాడు. ఈ సినిమాలో రవితేజ డబల్ యాక్షన్ అట. అందుకే ఇద్దరు హీరోయిన్స్ నటించనున్నారు. ఇప్పటికే ఒక హీరోయిన్ గా నిధి అగర్వాల్ ను ఫైనల్ చేసిన చిత్రబృందం, మరో హీరోయిన్ గా నభా నటేష్ ను తీసుకోవాలనుకున్నట్లు ఇప్పటికే వార్తలు వచ్చాయి. కాగా చిత్రబృందం నభా నటేష్ నే ఆల్ మోస్ట్ ఫిక్స్ అయినట్లు తెలుస్తోంది. అన్నట్లు ఈ సినిమాలో ఒక స్పెషల్ సాంగ్ కూడా ఉందట,

ఈ సాంగ్ కోసం పాయల్ రాజ్ పుత్ ను అనుకుంటున్నారు. అన్ని కుదిరితే జూలై ఎండింగ్ లో ఈ సాంగ్ ను షూట్ చేయబోతున్నట్లు తెలుస్తోంది. కాగా ఈ చిత్రాన్ని కోనేరు సత్యనారాయణ నిర్మించనున్నారు. ఇకపోతే ప్రస్తుతం రవితేజ గోపిచంద్ మలినేని దర్శకత్వంలో చేస్తోన్న ‘క్రాక్’ సినిమా రవితేజకు పూర్వవైభవాన్ని తీసుకొస్తోందట. ఈ చిత్రాన్ని కరోనా తగ్గాక విడుదల చేయాలనుకుంటున్నారు. రవితేజ మరి క్రాక్ సినిమాతోనైనా అందుకుంటాడేమో చూడాలి.