ఆన్లైన్ రిలీజ్ కి డేట్ ఫిక్స్ అయిన సుశాంత్ సింగ్ రాజ్ పుత్ చివరి సినిమా

కొద్దిరోజుల క్రితం మరణించిన సుశాంత్ సింగ్ రాజ్ పుత్ చివరి చిత్రం డిజిటల్ స్ట్రీమింగ్ కి సిద్ధం అయ్యింది. డిస్నీ హాట్ స్టార్ లో ఈ మూవీ అందుబాటులోకి రానుంది. నేడు దీనిపై అధికారిక ప్రకటన రావడం జరిగింది. దిల్ బిచారా సుశాంత్ చివరి చిత్రం. సంజనా సంఘై హీరోయిన్ గా నటించిన ఈ మూవీ ఎప్పుడో విడుదల కావాల్సివుంది. ఐతే థియేటర్స్ బంధ్ కారణంగా ఈ చిత్ర విడుదల నిలిపివేయడం జరిగింది.

కరోనా వైరస్ వ్యాప్తి ఇంకా తగ్గుముఖం పట్టకపోవడంతో పాటు మరింతగా విజృంభిస్తుంది. దీనితో ఇప్పట్లో సినిమా థియేటర్స్ తెరుచుకునే సూచనలు లేవు. కావున ఈ చిత్రాన్ని డిజిటల్ ప్లాట్ ఫార్మ్ లో అందుబాటులోకి తెస్తున్నట్లు మేకర్స్ ప్రకటించారు. జులై 24నుండి దిల్ బిచారా డిస్నీ హాట్ స్టార్ లో అందుబాటులోకి రానుంది. దిల్ బిచారా చిత్రానికి ముఖేష్ చ్చబ్రా దర్శకత్వం వహించారు. ఓ వైపు సుశాంత్ ఫ్యాన్స్ దిల్ బిచారా చిత్రాన్ని థియేటర్స్ లోనే విడుదల చేయాలని డిమాండ్ చేస్తున్నారు.