నితిన్ సినిమాలో ఇస్మార్ట్ హీరోయిన్

ప్రస్తుతం టాలీవుడ్ యూత్ స్టార్ నితిన్ హీరోగా కీర్తీ సురేష్ హీరోయిన్ గా వెంకీ అట్లూరి దర్శకత్వంలో “రంగ్ దే” అనే ఓ సినిమాలో నటిస్తున్న సంగతి అందరికీ తెలిసిందే. అలాగే ఇది లైన్ లో ఉండగానే బాలీవుడ్ హిట్ సినిమా “అంధధూన్” అనే సినిమాకు రీమేక్ లో నటించడానికి గ్రీన్ సిగ్నల్ ఇచ్చారు.

అయితే ఈ సినిమాలో బాలీవుడ్ కు చెందిన ప్రముఖ నటి శిల్పా శెట్టి ఒక కీలక పాత్రలో నటిస్తారని బజ్ వినిపించింది. ఇప్పుడు ఈ సినిమాలో ఫిమేల్ మెయిన్ లీడ్ కు మాత్రం ఇస్మార్ట్ శంకర్ సినిమాతో యూత్ కు బాగా కనెక్ట్ అయిన నభా నటేష్ పేరు వినిపిస్తుంది. ఈ చిత్రానికి నభా కూడా ఒకే చెప్పినట్టు వినికిడి. ఈ లాక్ డౌన్ అనంతరం వీరు ఫ్రీ అయ్యాక ప్రాజెక్ట్ మేర్లపాక గాంధీ దర్శకత్వంలో పట్టాలెక్కనుంది.