కేటీర్ గారికి థాంక్స్ చెప్పిన మీరా చోప్రా

టాలీవుడ్‌లో వరుస వివాదాలు తెర మీదకు వస్తున్నాయి. మొన్న నాగబాబు, బాలకృష్ణ గొడవ మరవకముందే నటి మీరా చోప్రా, ఎన్‌టీఆర్ ఫ్యాన్స్ వివాదం తెరపైకి వచ్చింది. ఇటీవల సోషల్ మీడియా చిట్‌చాట్‌లో మీరా చోప్రా తనకు ఎన్టీఆర్ కంటే మహేష్ బాబు అంటే ఇష్టమని పేర్కొనడంతో ఎన్‌టీఆర్ అభిమానులు ఆమెపై తీవ్ర ఆగ్రహంతో ఉన్నారు. దీంతో ట్విట్టర్ వేదికగా ఆమెను ట్రోలింగ్ చేయడమే కాకుండా పలు అసభ్యకర వ్యాఖ్యలు చేశారు.

ఈ నేపథ్యంలో మీరా ట్విట్టర్ ద్వారా హైదరాబాద్ సైబర్ పోలీసులకు ఫిర్యాదు చేస్తూ మంత్రి కేటీఆర్‌కి కూడా ట్యాగ్ చేసింది. అయితే మీరా కంప్లైంట్‌పై స్పందించిన మంత్రి కేటీఆర్ మేడం.. మీరిచ్చిన ఫిర్యాదు ఆధారంగా చర్యలు తీసుకోవాలని తెలంగాణ డీజీపీ, హైదరాబాద్ సిటీ పోలీస్‌శాఖకు విజ్ఞప్తి చేసినట్లు రిప్లై ఇచ్చారు. దీంతో కేటీఆర్‌కి మీరా థ్యాంక్స్ చెబుతూ ఇది మహిళ భద్రతకు ఎంతో ముఖ్యమైనదని ఆమె అన్నారు. మహిళల పట్ల నేరాలకు పాల్పడే క్రిమినల్స్‌‌‌ను వదిలిపెట్టకండి సార్ అని ట్వీట్ చేశారు.

Thanks sir, it really means a lot. This is very important for women safety. These people should not be left free to do crimes on women! 🙏🙏 https://t.co/HzQcRHPEAd

— meera chopra (@MeerraChopra) June 5, 2020