రామ్ చరణ్ రోల్ కోసం వేరొకరిని వెతుకుతున్న కొరటాల

టాలీవుడ్ లో తెరకెక్కుతున్న భారీ చిత్రం ఆర్ ఆర్ ఆర్ మూవీ షూటింగ్ గత నాలుగు నెలలుగా వాయిదాపడిన సంగతి తెలిసిందే. కరోనా వైరస్ కారణంగా లాక్ డౌన్ విధించగా షూటింగ్ కి బ్రేక్ పడింది. ఇక సడలింపులు ఇవ్వడంతో పాటు, షూటింగ్స్ కి అనుమతి ఇచ్చినా… ముందుకు వెళ్ళడానికి ఎవరికి ధైర్యం చాలడం లేదు. హైదరాబాద్ లో కరోనా వైరస్ ప్రభావం అధికంగా ఉంది. రోజుకు వందల్లో కేసులు నమోదు అవుతున్నాయి.

ఈనేపథ్యంలో షూటింగ్ మరింత లేటయ్యే అవకాశం ఉంది. కాగా కొరటాలతో చిరు చేస్తున్న ఆచార్య మూవీ షూటింగ్ సైతం ఆగిపోయింది. ఈ మూవీలో చరణ్ ఓ కీలక రోల్ చేస్తుండగా.. అది సాధ్యం అయ్యేలా కనిపించడం లేదు. ఆర్ ఆర్ ఆర్ షూటింగ్ ఇప్పటికే ఆలస్యం అవుతుండగా..చరణ్ ఆచార్య షూటింగ్ లో పాల్గొనే సమయం దొరక్కపోవచ్చు. దీనితో చరణ్ కి ప్రత్యామ్నాయం వెతికే పనిలో కొరటాల ఉన్నట్లు సమాచారం.