నితిన్ సినిమాలో చేయనంటున్న ఇలియానా

భీష్మ సినిమాతో మంచి సాలిడ్ కం బ్యాక్ హిట్ అందుకున్న నితిన్ చేతిలో ఇప్పుడు మరో మూడు ప్రాజెక్టులు ఉన్నాయి. ఈ మూడు కూడాను మంచి హైప్ ఉన్నవే. అయితే వీటిలో బాలీవుడ్ సూపర్ హిట్ అయిన అంధధూన్ కూడా ఒకటి. ప్రస్తుతం ఈ సినిమాకు సంబంధించి కాస్టింగ్ పనులు జరుగుతున్నాయి.

అయితే ఈ సినిమాలో ఒక కీలక పాత్రలో గోవా బ్యూటీ ఇలియానా కూడా నటిస్తుంది అని కొన్ని వార్తలు వినిపించాయి. ఇప్పటికే టాలీవుడ్ కు దూరం అయిన ఆమె ఆ చిత్రంలో నటించడం లేదని క్లారిటీ ఇచ్చింది. అయితే ఇప్పుడు అందుకు కారణం ఏమిటి అన్నది తెలుస్తుంది. ఈ సినిమా కథ ప్రకారం ఒక ఫిమేల్ రోల్ కు కీలక పాత్ర ఉంది.

కాకపోతే అది కాస్త వయసు మళ్ళిన పాత్ర. ఇపుడు ఈ రోల్ కు గాను సీనియర్ నటి టబు ఫిక్స్ కాగా అంతకు ముందు చిత్ర యూనిట్ ఈ రోల్ కోసం ఇలియానాను అప్రోచ్ అయ్యారట, కానీ అప్పుడు అలాంటి రోల్ లో కనిపించడం తనకు ఇష్టం లేదని చెప్పిందట అందుకే ఇలియానా ఈ సినిమా నుంచి తప్పుకుందని వినికిడి.