ప్రభాస్ సినిమా కోసం భారీ హాస్పిటల్ సెట్

ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్న ప్రభాస్ 20వ చిత్రం తదుపరి షెడ్యూల్ కోసం ప్రీ-ప్రొడక్షన్ ఫార్మాలిటీస్ శరవేగంగా జరుగుతున్నాయి. హైదరాబాద్‌లోని ఓ ప్రముఖ స్టూడియోలో 5 కోట్ల రూపాయల విలువైన విలాసవంతమైన హాస్పిటల్ సెట్‌ ను మేకర్స్ నిర్మిస్తున్నారని తాజా నివేదికలు వెల్లడిస్తున్నాయి.

నాలుగు అంతస్తులలో హాస్పిటల్ సెట్ ను ఓ స్టూడియోలో నిర్మిస్తున్నారు. ఇందులో ఐసియు వార్డ్, ప్రత్యేక వార్డ్, జనరల్ వార్డులు మరియు డాక్టర్ రూమ్స్ ఉన్నాయట. ఈ గ్రాండ్ సెట్‌లో నెల రోజులకు పైగా షూటింగ్‌ చేయనున్నారని.. ఆగస్టు నుండి షూట్ ప్రారంభమవుతుందని తెలుస్తోంది.

రాధాకృష్ణ దర్శకత్వంలో రాబోతున్న ఈ సినిమాకి ‘రాధే శ్యామ్’ అని టైటిల్ ను ఫిక్స్ చేయబోతున్నారట.ఈ పీరియాడిక్‌ రొమాంటిక్ ఎంటర్టైనర్ లో ప్రభాస్ కూడా రెండు గెటప్స్ లో కనిపిస్తారట. ఈ చిత్రంలో పూజా హెగ్డే హీరోయిన్ గా నటిస్తోంది. మూడు భాషల్లో తెరకెక్కనున్న ఈ చిత్రాన్నీ గోపికృష్ణ మూవీస్ , యువీ క్రియేషన్స్ సంయుక్తంగా నిర్మిస్తున్నాయి.