చిరు మరియు చరణ్ ల మధ్య ఫైట్

స్టార్ డైరెక్టర్ కొరటాల శివ తన తాజా చిత్రం ‘ఆచార్య’ షూటింగ్‌ను త్వరలో తిరిగి ప్రారంభించనున్నారు. అయితే ఈ చిత్రంలో రామ్ చరణ్ గెస్ట్ రోల్ చేస్తున్నారని, అతను ఫ్లాష్ బ్యాక్ పార్ట్ లో కనిపించనున్నట్లు ఇప్పటికే వార్తలు వచ్చాయి.

కాగా ఇప్పుడు ఈ చిత్రం గురించి లేటెస్ట్ అప్ డేట్ ఏమిటంటే.. చిరు మరియు చరణ్ ల మధ్య ఒక ఫైట్ కూడా ఉంటుందట. అయితే ఆ ఫైట్ సినిమాలో సెకెండ్ హాఫ్ లో వస్తోందని సినిమా మొత్తానికి ఈ ఫైట్ సీక్వెన్స్ కీలమని తెలుస్తోంది. అన్నట్లు సినిమాలో రామ్ చరణ్ మాజీ నక్సలైట్ గా కనిపిస్తారట. చరణ్ పాత్ర త్యాగం చేసే పాత్రగా ఉంటుందని, చిరు పాత్రకు చరణ్ పాత్ర ప్రేరణగా నిలుస్తోందని తెలుస్తోంది.

కాగా మెగాస్టార్ ఈ చిత్రం కోసం బరువు తగ్గడంతో పాటు చాలా మేక్ ఓవర్ అయ్యారు. ఈ చిత్రంలో చిరంజీవికి జంటగా కాజల్ అగర్వాల్ నటిస్తుండగా కొణిదెల ప్రొడక్షన్స్ బ్యానర్ లో రామ్ చరణ్ ఈ సినిమాని నిర్మిస్తున్నారు.