ప్రభాస్ మూవీ హిందీ విడుదల హక్కులు ఇవ్వాలంటున్న స్టార్ హీరోయిన్

ప్రభాస్ 21పై దేశవ్యాప్తంగా భారీ అంచనాలు నెలకొని ఉన్నాయి. ఈ చిత్రానికి మహానటి దర్శకుడు నాగ్ అశ్విన్ దర్శకత్వం వహిస్తుండగా అశ్వినీ దత్ భారీ బడ్జెట్ తో నిర్మిస్తున్నారు. ఇక ఈ మూవీ కథపై అనేక ఊహాగానాలు పరిశ్రమలో చక్కర్లు కొడుతున్నాయి. ఇది సోషియో ఫాంటసీ స్టోరీ అని కొందరు అంటుంటే, మరి కొందరు సైన్స్ ఫిక్షన్ అంటున్నారు. ఏదిఏమైనా ఈ చిత్రం భారీ స్థాయిలో తెరకెక్కనుంది.

కాగా ఈ మూవీ పాన్ ఇండియా చిత్రంగా పలు భాషలలో విడుదల కానున్న నేపథ్యంలో బాలీవుడ్ నుండి హీరోయిన్ ని తీసుకోవాలని భావిస్తున్నారు. ముఖ్యంగా దీపికా పదుకొనె ఐతే బాగుంటుంది అనే ఆలోచన దర్శక నిర్మాతలలో ఉంది. ఈ విషయంపై దీపికతో చర్చించగా ఆమె సుముఖంగానే ఉన్నారట. ఐతే ఆమెకు ఆ చిత్ర హిందీ విడుదల హక్కులు ఇవ్వాలని పట్టుబడుతున్నారట. మరి ఈ కండీషన్ కి ఒకే అంటే ప్రభాస్ చిత్రంలో నటిస్తాను అని ఆమె అంటున్నారని వినికిడి.