వకీల్ సాబ్ కోసం రామోజీ ఫిల్మ్ సిటీలో ప్రత్యేకంగా కోర్టు సెట్

పవర్ స్టార్ పవన్ కళ్యాణ్ ‘వకీల్ సాబ్’ ఈ కరోనా మహమ్మారి లేకుండా ఉండి ఉంటే ఈ పాటికి సినిమా షూటింగ్ పూర్తయ్యేది. కానీ లాక్ డౌన్ కారణంగా 80 శాతం వద్ద ఈ సినిమా షూటింగ్ ఆగిపోయింది. లాక్ డౌన్ ముగియగానే షూట్ తిరిగి మొదలుపెట్టాలని టీమ్ ప్లాన్ చేస్తోంది. ఇందుకోసం రామోజీ ఫిల్మ్ సిటీలో ప్రత్యేకంగా కోర్టు సెట్ వేసి మిగిలిన షూటింగ్ పూర్తి చేయనున్నారు. ఇక ఈ సినిమా ఓ ఫైట్ మీద అవుతుందట. లాంగ్ గ్యాప్ తర్వాత పవన్ కళ్యాణ్ స్క్రీన్ మీద కనబడనున్న తొలి సీన్ ఫైట్‌ కావడం ఫ్యాన్స్ కి మంచి కిక్ ఇచ్చే విషయమే.

అలాగే ఈ రీమేక్ మూవీ ఒరిజినల్ వెర్షన్ కంటే చాలా భిన్నంగా ఉంటుందని తెలుస్తోంది. తెలుగు ప్రేక్షకుల అభిరుచికి తగ్గట్టు స్క్రిప్ట్ లో చాలానే మార్పులు చేశారు. ప్రముఖ నిర్మాత దిల్ రాజు నిర్మిస్తున్న ఈ చిత్రాన్ని వేణు శ్రీరామ్ డైరెక్ట్ చేస్తున్నారు. సామాజిక సందేశం ఉన్న సినిమాను చేయాలనే ఉద్దేశ్యంతో పవన్ కళ్యాణ్ ఈ చిత్రాన్ని ఎంచుకున్నారు. అన్నట్టు ప్రెజెంట్ క్రేజీ మ్యూజిక్ డైరెక్టర్ థమన్ ఈ సినిమాకి మ్యూజిక్ ను అందిస్తున్నాడు.