ఫాన్స్ కి మరో గిఫ్ట్ ఇవ్వనున్న బాలయ్య

నందమూరి బాలకృష్ణకు ఈ పుట్టిన రోజు చాలా ప్రత్యేకం. ఆయన 60వ వసంతంలోకి ఈ ఏడాది ప్రవేశించారు. ఈ పుట్టిన రోజు వేడుకలు ఘనంగా నిర్వహించాలని అభిమానులు భావించినా… కరోనా వైరస్ కారణంగా అది కుదరలేదు. ఇక బాలకృష్ణ సైతం తనను కలవడానికి ఎవరూ రావద్దని ఫ్యాన్స్ కి విజ్ఞప్తి చేశారు. ఐతే ఫ్యాన్స్ కోసం ఈ సారి తానే వస్తున్నాను అని బాలయ్య ప్రకటించారు. బాలకృష్ణ నేడు పేస్ బుక్ లైవ్ లో అభిమానులతో ముచ్చటించనున్నారు. వాళ్ళు అడిగే అనేక ప్రశ్నలకు సమాధానం చెప్పనున్నారు. నేడు సాయంత్రం 4:30 నిమిషాలకు ఈ కార్యక్రమం మొదలుకానుంది.

ఎప్పుడూ లేనిది బాలయ్య ఇలా సోషల్ మీడియాలో తన అభిమానులకు అందుబాటులోకి రానున్నాడు. ఇక బాలయ్య పుట్టిన రోజు కానుకగా నిన్న విడుదలైన ఆయన నూతన చిత్ర టీజర్ కి విశేష ఆదరణ దక్కింది. బాలయ్య లుక్, ఆయన చెప్పిన డైలాగ్స్ ఫ్యాన్స్ కి మంచి కిక్ ఇచ్చాయి. దర్శకుడు బోయపాటి శ్రీను తెరకెక్కిస్తున్న ఈ చిత్రాన్ని మిర్యాల రవీంద్రా రెడ్డి నిర్మిస్తుండగా, థమన్ సంగీతం అందిస్తున్నారు.