మన దేశ ఉత్పత్తులనే కొనాలి - అల్లు శిరీష్

నిన్న భారత్ మరియు చైనా సైన్యం మధ్య బోర్డర్ విషయంలో ఏర్పడిన ఉద్రిక్తత 20 మంది భారత జవాన్ల మృతికి కారణం అయ్యింది. ఓ కల్నల్ రేంజ్ అధికారితో సహా మన సైనికులు ఈ పోరులో మరణించారు. చైనా సైన్యం దుర్మార్గపు చర్యను భారత దేశ ప్రజలు తీవ్రంగా వ్యతిరేకిస్తున్నారు. దీనికోసం చైనా వస్తువులను బ్యాన్ చేయాలనీ..అదే విధంగా స్వదేశీ ఉత్పత్తులను మాత్రమే కొనాలని పిలుపునిస్తున్నారు.

ఇదే విషయాన్ని అల్లు వారి చిన్నబ్బాయి హీరో అల్లు శిరీష్ నేడు సోషల్ మీడియాలో పంచుకున్నారు. చైనా వస్తువులను బ్యాన్ చేయాలని అదే సమయంలో వీలైనంత వరకూ స్వదేశీ వస్తువులను కొనాలి అన్నారు. దీని వలన మన ఆర్థిక వ్యవస్థ బలోపేతం అవుతుంది అన్నారు. అలాగే రెండు రోజుల క్రితం ఆయన షాపింగ్ చేసిన కొన్ని స్వదేశీ వస్తువుల ఫోటో సోషల్ మీడియాలో పంచుకున్నారు. శిరీష్ ఈ నిర్ణయానికి నెటిజెన్స్ ఫిదా అవుతున్నారు. ఆయన నిర్ణయానికి భేష్ అని పొగుడుతున్నారు.

మొన్న నేను సూపర్ మార్కెట్లో కొనుక్కున్న సామాన్లు. అన్ని భారతీయ బ్రాండ్స్.

మనలో చాలామంది భారతీయ బ్రాండ్స్ ఉపయోగించడం, ఆకాంక్ష కాదని భావిస్తారు. కానీ ఇకమీదట ఆలా కాదు. లోకల్ బ్రాండ్స్ వాడదాం. వాడుతున్నట్లు పైకి చెప్పుకుందాం. దయచేసి #GoLocalBeVocal. pic.twitter.com/sSQvuFS4f0

— Allu Sirish (@AlluSirish) June 17, 2020