పుష్ప సినిమా షూటింగ్ ఇక్కడే

స్టైలిష్ స్టార్ అల్లు అర్జున్ హీరోగా రష్మికా మందన్నా హీరోయిన్ గా నటిస్తున్న భారీ పాన్ ఇండియన్ చిత్రం 'పుష్ప'. మొత్తం ఐదు ముఖ్య భాషల్లో ఈ చిత్రం విడుదల కానుంది. అయితే లాక్ డౌన్ వలన ఈ చిత్రం షూటింగ్ కూడా నిలిచిపోవాల్సి వచ్చింది. దీనితో విదేశాల్లో ప్లాన్ చేసిన పలు షెడ్యూల్స్ ఆగిపోవాల్సి వచ్చింది.

అక్కడ నుంచి ఈ చిత్రాన్ని ప్యూర్ ఇండియన్ ఫిల్మ్ గా తెరకెక్కించాలని మేకర్స్ భావించారు. అందుకే ఇక్కడి అడవి ప్రాంతాల్లోనే పలు కీలక సన్నివేశాలకు సంబంధించి షూటింగ్ చెయ్యాలని డిసైడ్ అయ్యారు.కేరళ అడవుల్లో ఓ కీలక సన్నివేశాలను షూట్ చెయ్యాల్సి ఉండగా లాక్ డౌన్ కారణంగా ఆ షూటింగ్ ఇప్పుడు క్యాన్సిల్ అయ్యినట్టు తెలుస్తుంది.

అందుకే హైదరాబాద్ లోనే అన్నపూర్ణ స్టూడియోస్ లో ఒక చిన్నపాటి గ్రామం సెట్ వేసి అక్కడే పలు సన్నివేశాలను తెరకెక్కించనున్నారట. బన్నీ, సుక్కుల నుంచి వస్తున్న ఈ హ్యాట్రిక్ కాంబోకు వీరి మరో హ్యాట్రిక్ దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ వారు నిర్మాణం వహిస్తున్నారు.