సల్మాన్ ఖాన్ పై సంచల ఆరోపణలు చేసిన దర్శకుడు

బాలీవుడ్ హీరో సుశాంత్ సింగ్ రాజ్ ఫుత్ ఆత్మహత్య దేశవ్యాప్తంగా సంచలనం సృష్టించింది. కెరీర్ పీక్స్ లో ఉండగా ఆత్మహత్య చేసుకోవడం పై పలువురు సందేహం వ్యక్తం చేస్తున్నారు. కొందరు నేపోటిజం అంటూ వ్యాఖ్యానించారు. మరి కొందరు తప్పుబడుతున్నారు. కొందరు మాత్రం ఇండస్ట్రీ పెద్దల తీరు వలన సుశాంత్ ఆత్మహత్య చేసుకున్నారు అంటూ నెటిజన్లు సైతం పెద్ద ఎత్తున ఆరోపణలు చేస్తున్నారు.

అయితే ఈ నేపధ్యంలో దబాంగ్ చిత్ర దర్శకుడు సల్మాన్ ఖాన్ పై సంచలన ఆరోపణలు చేశారు. సల్మాన్ ఖాన్ మరియు అతని కుటుంబ సభ్యులు తన కెరీర్ ను నాశనం చేశారు అని ఆరోపించారు. డైరెక్టర్ అభినవ్ కశ్యప్ పలు కీలక వ్యాఖ్యలు చేశారు. ఈ సినిమా కు సీక్వెల్ తానే చేయాల్సి ఉండగా, అలా జరగలేదు అని, అందుకు అర్భాజ్ ఖాన్, సోహైల్ ఖాన్ లు కారణం అని అన్నారు.వారు బెదిరించి తన కెరీర్ ను నియంత్రించడానికి ప్రయత్నించారు అని, అందుకు తాను అవకాశం ఇవ్వలేదు అని వ్యాఖ్యానించారు.అందుకే సల్మాన్ కుటుంబం తన భవిష్యత్ ను నాశనం చేసి వారి కుటుంబం పగ తీర్చుకుంది అని సంచలన ఆరోపణలు చేశారు.

సల్మాన్ ఖాన్ కెరీర్ లో బ్లాక్ బస్టర్ గా నిలిచిన దబాంగ్ చిత్ర దర్శకుడు ఈ ఆరోపణలు చేయడం ఇండస్ట్రీ వర్గాలను షాక్ కి గురి చేసింది. అంతేకాక వీరు తమకంటూ ఒక టాలెంట్ ఏర్పరచు కోరు అని, ఇతరుల జీవితాన్ని, భవిష్యత్ ని మాత్రం నాశనం చేస్తారు అని అన్నారు. దబాంగ్ చిత్ర దర్శకుడు చేసిన వ్యాఖ్యలు సోషల్ మీడియా లో సైతం వైరల్ గా మారాయి.