నాని మరియు సుధీర్ “వి” సినిమా అందుకే డిజిటల్ గా రాలేదు

నాచురల్ స్టార్ మొట్టమొదటిసారి ఒక యాంటీ హీరోగా సుధీర్ బాబు మరో హీరోగా తెరకెక్కిన తాజా క్రైమ్ సస్పెన్స్ థ్రిల్లర్ చిత్రం “వి”. ఈ ఏడాది ఉగాది కానుకగా విడుదలకు రెడీ అయ్యిన ఈ చిత్రం కరోనా వల్ల ఆగిపోవాల్సి వచ్చింది. ఇదిలా ఉండగా ఈ చిత్రానికి నిర్మాత దిల్ రాజుకు స్ట్రీమింగ్ దిగ్గజ సంస్థ అమెజాన్ ప్రైమ్ వారు భారీ ఆఫర్ ను ఇచ్చినట్టుగా తెలిసింది.

కానీ అనూహ్యంగా నిర్మాత దిల్ రాజు ఆ భారీ ఆఫర్ ను తిరస్కరించారు. అయితే అందుకు గల కారణం ఏమిటి అన్నది ఇప్పుడు బయటకు వచ్చినట్టు తెలుస్తుంది. స్వతహాగా నిర్మాతగానే కాకుండా దిల్ రాజు ఒక డిస్ట్రిబ్యూటర్ గా కూడా ఉన్న సంగతి అందరికీ తెలిసిందే. అలా ఓ సినిమా థియేటర్ లో రాకుండా ఇలా నేరుగా ఓటిటి ప్లాట్ ఫామ్ లోకి వస్తే తానే ఇలా చెయ్యడం భావ్యం కాదని వి సినిమాను డిజిటల్ గా తీసుకొచ్చేందుకు ఇష్టపడలేదని టాక్.