దేవుడైనా, కరోనా అయినా మమ్మల్ని ఎవరూ ఆపలేరు – రామ్ గోపాల్ వర్మ!

వివాదాల దర్శకుడు రాంగోపాల్ వర్మ దర్శకత్వంలో తెరకెక్కుతున్న కరోనా వైరస్ చిత్ర ట్రైలర్ ను ఈరోజు సాయంత్రం విడుదల చేశారు. అయితే ఈ ట్రైలర్ గురించి పలు కీలక వ్యాఖ్యలు చేశారు రామ్ గోపాల్ వర్మ. కరోనా వైరస్ మహమ్మారి కారణంగా దేశం మొత్తం కాదు, ప్రపంచ దేశాలు సైతం లాక్ డౌన్ లో ఉన్న సంగతి తెలిసిందే. అయితే ఈ లాక్ డౌన్ సమయంలో లాక్ డౌన్ ఎలా ఉంది అనేది కరోనా వైరస్ నేపధ్యంలో తెరకెక్కించే ప్రయత్నం చేశారు రామ్ గోపాల్ వర్మ. అంతేకాక చివర్లో మా వర్క్ నీ ఎవరూ ఆపలేరు అని నిరూపించడానికి ఈ ట్రైలర్ విడుదల చేశాం అని వ్యాఖ్యానించారు. అంతేకాదు దేవుడు అయినా, కరోనా అయినా మమ్మల్ని ఆపలేదు అని వ్యాఖ్యానించారు.

అయితే రామ్ గోపాల్ వర్మ తనకెంతో ఇష్టమైన ఫిలాసఫర్ అయాన్ రాండ్ తెలిపిన ఇక ఫేమస్ కొట్ ను వివరించారు.నిన్ను అపగలిగేది కేవలం నువ్వు మాత్రమే అంటూ వ్యాఖ్యానించారు. అయితే రామ్ గోపాల్ వర్మ విడుదల చేసిన కరోనా వైరస్ ట్రైలర్ ప్రేక్షకులను విపరీతంగా ఆకట్టుకుంది. ఈ ట్రైలర్ పై నెటిజన్లు స్పందిస్తున్నారు. లాక్ డౌన్ లో కూడా ట్రైలర్ ను విడుదల చేయడం పట్ల పలువురు హర్షం వ్యక్తం చేస్తున్నారు.